သမီးလေးရဲ့ အတွေး (၁)

မင်္ဂလာပါရှင်
မီးလေးကတော့ အိမြတ်ချယ် ဖြစ်ပါတယ်ရှင့်.....
အိမ်နာမည်ကတော့ ဘေဘီစတုန်းလေးခေါ်ကြပါတယ်....မေမေကပြောတော့ ကျောက်တုံးသေးသေးလေးတဲ့..
နောင်တစ်ချိန်မှာ အဖိုးတန်ကျောက်လေးတစ်ပွင့် ဖြစ်လာစေချင်လို့တဲ့.....
တခါတလေ ဖေဖေ မေမေတို့က ချစ်စနိုးနဲ့ တုန်တုန်လေး... မီးလေးတုန်စသဖြင့်ခေါ်တတ်ပါသေးတယ်....
မီးလေးကတော့ အခု အသက် တစ်နှစ်ပြည့်ပြီးပါပြီ.....

မေမေကပြောတယ် "တုန်တုန်လေးက တစ်နှစ်ပြည့်ပြီးတာနဲ့ ဆိုးလာတယ် " တဲ့.....မီးလေးက ဆိုးချင်လို့ ဆိုးတာ  မဟုတ်ပါဘူး မေမေရယ်... မီးလေးက မေမေတို့ကို အရမ်းချစ်လို့ ဆိုးနွဲ့တာပါ....
အချိန်တိုင်း မေမေနဲ့ အတူနေချင်လို့ပေါ့....

မေမေနဲ့ အတူတူနေလို့ရအောင် မနက် မေမေ အိပ်ရာထပြီဆိုတာနဲ့ မီးလေးကလည်း မေမေနဲ့အတူတူ
နိုးထတာပေါ့..... မေမေကပြောတယ် "တုန်လေးက ကလေးပီပီ မအိပ်ဘဲ ဘာလို့ အစောကြီးနိုးနေတာလဲ " တဲ့ "မီးတုန်လေးအိပ်နေတော့ မေမေအလုပ်လုပ်လို့ရတာပေါ့ " တဲ့ ....ဟင့်အင်းမေမေ မီးလေးက မေမေ့အနားမှာ အမြဲနေချင်လို့ မေမေအိပ်ရာထတာနဲ့ အတူထတာပေါ့.....

မီးလေးသိတာပေါ့...မေမေအစောကြီးထပြီး ချက်ပြုတ်ပြင်ဆင်ပြီဆိုရင် မေမေရုံးသွားမယ့်ရက်ဘဲပေါ့..

ဒါဆိုရင် မေမေနဲ့ တစ်နေကုန်ခွဲရတော့မယ်ပေါ့....
မေမေရုံးသွားခါနီး ယူနီဖောင်းလဲရပြီဆိုရင် မီးလေး အရမ်းဝမ်းနည်းတယ်.....
မေမေက မနက်(၈)နာရီဆိုရင် ရုံးသွားရပြီ.... "မေမေက တုန်လေးရေ တာ့တာ မေမေရုံးသွားတော့မယ်" ဆိုရင် မီးလေးမျက်ရည်လည်ပြီပေါ့....

ချစ်တယ်မေမေရယ်..... မေမေနဲ့အတူတူ ရုံးလိုက်ချင်ပေမယ်လည်း မေမေက မီးလေးကို ရုံးခေါ်လေ့မရှိဘူး.....ရုံးကို ခေါ်ရင် မီးလေး အိမ်မှာလို အိပ်ချိန် စားချိန်မမှန်မှာစိုးလို့တဲ့ ပြီးတော့ ကားစီးရတာလည်း ပင်ပန်းမှာစိုးလို့တဲ့..... ပြီးတော့ မီးလေးကို ခေါ်သွားရင် မေမေလည်း အလုပ်ကောင်းကောင်း မလုပ်ရဘူးတဲ့...မီးလေးက မေမေ့ဆီဘဲ အတင်းတွယ်ကပ်နေလို့တဲ့....

မီးလေးကိုထိန်းပေးတဲ့ မမ မရှိတဲ့ရက်တွေတော့ မေမေက ရုံးခေါ်သွားတတ်ပါတယ်...ရုံးက မေမေ့ သူငယ်ချင်းတွေက မီးလေးကို ချီချင်ပေမယ်လည်း မီးလေးက မေမေ့ကို ဘဲ အမြဲဖက်တွယ် ထားတယ်...မေမေ နေ့လည်စာ မေမေ ထမင်းစားရင်တောင် မေမေ့ပေါင်ပေါ်မှာဘဲ

နေတယ်...မေမေ တွိုင်းလက် ၀င်ရင်တောင် မီးလေးကတော့ အတင်းတွယ်ကပ်လိုက်တာဘဲ....

မေမေက ရုံးသွားပြီဆိုရင် မီးလေးကိုထိန်းတဲ့ မမနဲ့အတူတူနေနေရတာ.. မမက ထမင်းကျွေးတယ်... .ရေချိုးပေးတယ်... အတူတူကစားပေးတယ်... အိပ်ချိန်ရောက်ရင် ချော့သိပ်တယ်...မမကိုလည်း ခင်ပါတယ်....ဒါပေမယ့် မေမေနဲ့ဘဲနေချင်တယ်....မေမေရုံးသွားတဲ့အချိန်တွေမှာ မေမေ့ကို လွမ်းလို့ ကလေးသီချင်းခွေတွေ ကြည့်တယ် ကာတွန်းကားလေးတွေကြည့်တယ်.....

မေမေက ညနေ(၅)နာရီမှ အိမ် ပြန်ရောက်တယ်...အဝေးက မေမေတို့ရုံးကားကြီး လမ်းထိပ်ရောက်ပြီး ဟွန်းတီးပြီဆိုတာနဲ့ မီးလေး အရမ်းပျော်တယ်... မေမေကားပေါ်က ဆင်းလာတာမြင်ရရင် မီးလေးက မေမေ့ကို လက်ပြပြီး အရင်နှုတ်ဆက်တယ်.....ပြီးတော့ အိမ်ခန်းရှေ့က လှေကားထိပ် ကနေ  မေမေကို အမြဲစောင့်ကြိုတယ်....ပြီးတော့ မေမေ့ရင်ခွင်ထဲတိုးဝင်ပြီး မေမေကို ဖက်ထားတယ်...ပြီးတော့ချိုချိုတွေ တ၀ကြီးစို့တာပေါ့.....ဟုတ်တယ်လေ..... မေမေနဲ့ ခွဲနေရတာ (၉)နာရီတောင်ရှိနေပြီ.....

တစ်ရက်ကပါ့...မေမေရုံးကပြန်လာချိန် ပြန်မရောက်လို့ မေမေ့ကိုမျှော်နေတာ...မေမေနောက်ကျမှ ပြန်ရောက်
တဲ့အပြင် ကလေးလေး တစ်ယောက်ကိုပါ ပွေ့ချီလာတာပေါ့....
မီးလေးမှ မေ့မေ့ကိုလွမ်းလို့မျှော်နေပါတယ်ဆိုမှ မေမေက မောင်လေးတစ်ယောက်ကိုပါအိမ်အထိ
ခေါ်လာတော့ မီးလေး ၀မ်းနည်းလိုက်တာ မပြောပါနဲ့တော့...မီးလေးက အော်ငိုပစ်တော့မှ..မေမေက အဲဒီ မောင်လေးကို မမကို ပေးပြီး မီးလေးကို ချီပြီး ချော့တာပေါ့...မေမေရယ် မီးလေးထက် ဘယ်သူမှ ပိုမချစ်ရဘူးနော်...မီးလေး မေမေကို ဘယ်သူမှ လူမယူရပါဘူး....

ဒီရက်ပိုင်းမှာလည်း ဖေဖေက သင်တန်း (၃)လ တက်နေရတော့ သမီးမှာ ဖေဖေ့ရင်ခွင်မှာလည်း မထိုင်ရဘူးပေါ့ ...ဖေဖေ့ ချော့မြူသံတွေလည်းမကြားရဘူး...ဖေဖေနဲံ အိပ်ရာပေါ်မှာ တူတူပုန်းတန်းလည်းမကစားရဘူး.....ဖေဖေနဲ့အတူတူ ဘောလုံးပွဲလည်း မကြည့်ရဘူး....
ပြီးတော့ ဖေဖေ့ဖုန်းထဲက ကြောင်လေးနဲ့လည်းမကစားရတာတော်တော်ကြာပြီ....

ဖေဖေ့ကိုလည်းလွမ်းလှပြီ.....ဖေဖေ့သင်တန်းပြီးမယ့်ရက်ကို မီးလေး မျှော်နေတာပေါ့....
ဖေဖေသင်တန်းပြီးလို့ ပြန်လာရင် ဖေဖေရယ် မေမေရယ် မီးလေးရယ် ညနေခင်းမှာ ဆိုင်ကယ်စီးချင်တယ်...ဆိုင်ကယ်ပေါ်မှာ ဖေဖေခါးကိုဖက်ပြီး မေမေ့ရင်ခွင်ထဲမှာ ထိုင်လိုက်ရတဲ့အရသာကို မီးလေးဘယ်တော့မှ မမေ့ပါဘူး....မြန်မြန် ပြန်လာပါတော့ ဖေဖေရယ်....
ဖေဖေရယ် မေမေရယ် မီးလေးရယ် အတူတူနေချင်လှပါပြီ.....

ဖေဖေ မေမေတို့ရဲ့ နွေးထွေးလုံခြုံတဲ့ မေတ္တာရိပ်မှာ ထာဝရနေချင်တဲ့

ဖေဖေ မေမေတို့ကို အရမ်းချစ်တဲ့

မီးလေးတုန်

(ဆန်းစနေ၀န်း)

မမေ့နိုင်သော အညာဘုရားပွဲတော်

"ရေပြင်ဖွေးဖွေး ဧရာဝတီကမ်းနံဘေးမှာ အလှမ်းမဝေးမြင်နိုင်ပါသေးသည်

အညာရပ်ဌာနီ မြောင်မြို့နယ်ဆီ

ရောက်ဖူးသူတိုင်း နောက်တစ်ခေါက်ထပ်ရောက်စေချင်သည်

ကျွန်တော်တို့ရဲ့ မြောင်မြို့ သည်ဌာနီ..."

အဆိုတော် မြောင်မြို့ချစ်ဆွေ မြောင်မြို့သန်းဌေး နှင့် မြောင်မြို့အုန်းမြင့်တို့မှ  မြို့လေးအကြောင်းကို သီကုံးရေးစပ်ဖွဲ့ဆိုထားတဲ့ "စစ်ကိုင်းတိုင်းက မြောင်မြို့ဌာနီ" ဆိုတဲ့ သီချင်းလေးပါ.....
ဒီသီချင်းလေးကို ငယ်ငယ်ကတည်းက နားယဉ်ခဲ့ပြိး အခုအချိန်ထိ နားထဲကြားရောင်မိနေဆဲပါ.....
ဒီသီချင်းလေးကို အမှတ်ရခြင်းနှင့်အတူ ကျွန်မတို့ မြို့ငယ်လေးရဲ့ ဘုရားပွဲတော်ကြီး အချိန်ကို ပြန်လည်သတိရမိပါတယ်.....

မကြာမှီ တော်သလင်းလရောက်ပါတော့မည်.....
တော်သလင်းလရာသီမှာ ကျွန်မတို့မြို့ရဲ့ ဦးဘုရား လို့ခေါ်တဲ့ ရွှေပေါ်ကျွန်းဘုရားပွဲတော်ကြီးကို
ခြိမ့်ခြိမ့်သဲသဲ ကျင်းပလေ့ရှိပါတယ်.....
"၀ါဆိုဝါခေါင် ရေဖောင်ဖောင်" အချိန်ဖြစ်တဲ့အတွက် ကျွန်မတို့မြို့လေးရဲ့ အရှေ့ဘက်
တောင်သူလယ်ယာစိုက်ကွင်းပြင်တစ်ခုလုံးဟာ မြစ်ရေတွေ ဖုံးလွှမ်းပြီးတော့
မြို့လေးရဲ့နံဘေးမှာ ဧရာဝတီ ၀ပ်စင်းတဲ့အချိန်လည်း ဖြစ်တယ်.....

ပွဲတော်ရင်ခုန်သံ
ကျွန်မတို့ငယ်ငယ်က ပွဲတော်ရက်များရောက်တော့မည်ဆိုရင် ရင်တွေခုန်တယ်...
ပွဲဈေးတန်းဆိုင်ခန်းတွေဆောက်လုပ်ရန် ၀ါးလုံးတွေချနေပြီ ဆိုင်ခန်းတွေဆောက်နေပြီဆိုရင် ဘာရယ်လို့မသိ အရမ်းကို ပျော်ရွှင်ခဲ့တာ.....ကျောင်းသွားရင်း ဈေးဆိုင်တန်းတွေ ကြည့်ရတာ အမော.....
ပွဲမစခင်ကတည်းက တချို့နယ်လှည့်ဈေးဆိုင်တွေကရောက်နေတတ်တယ်..အဲဒီလို ရောက်နေလို့ကတော့
ကျောင်းသွားကျောင်းပြန် ဆိုင်တွေကိုငေးမောကြည့် ....လိုချင်တဲ့ ပစ္စည်းတွေမှတ်ထား....
အိမ်ရောက်ရင်ပူဆာ..... လိုက်ဝယ်ပေးခိုင်းခဲ့တာ....အမေတို့ကပြောတယ် ပွဲတော်ရောက်ရင် ဆိုင်တွေအများကြီး..အဲဒီအချိန်မှ ၀ယ်ဆိုလည်း မစောင့်နိုင်ခဲ့ဘူး..အမေ့ကို မရမက ပူဆာခဲ့တာတွေကိုလည်း အမှတ်ရမိပါသေးတယ်....
အခုအချိန်မှာလည်း ငယ်ငယ်တုန်းကလိုပါဘဲ.....ပွဲတော်ရင်ခုန်သံက မပြောင်းလဲသေးပါဘူး.....
မြို့လေးနဲ့ အဝေးကိုရောက်နေပေမယ့်လည်း အိမ်ကို ဖုန်းဆက်တိုင်း ပွဲတော်ဆိုင်ခန်းတွေဆောက်နေပြီလား...ဘယ်ဇာတ်ပွဲကမှာလဲ...မြစ်ရေတွေရော တိုးနေပြီလား...စသဖြင့် ရင်ခုန်စွာမေးမိပါသေးတယ်.....   

ပွဲတော်ရက်များ
ဘုရားပွဲတော်ကို နှစ်စဉ် တော်သလင်းလဆန်း(၇)ရက်မှ စတင်ပြီး
တော်သလင်းလပြည့်ကျော် (၈)ရက်နေ့လောက်အထိ စည်ကားသိုက်မြိုက်စွာ ကျင်းပလေ့ရှိပါတယ်.....
လပြည့်နေ့မှာ ဘုရားကြီးမှာ မြို့လုံးကျွတ် ဆွမ်းလောင်းပွဲကျင်းပတယ်.....
ဗုဒဘာသာ မြန်မာလူမျိုးများပီပီ သဒ္ဒါတရားထက်သန်စွာ ပါဝင်လှူဒါန်းကြပါတယ်.....
ဘုရားပွဲရဲ့ အစည်းကားဆုံးရက်များကတော့ လဆန်း(၁၂) ရက်မှ လပြည့်ကျော်(၁) ရက်နေ့လောက်အထိ ဖြစ်တယ်... ပွဲဈေးတန်းတွေထဲမှာ လူတိုးမပေါက်တဲ့ရက်တွေပေါ့.....
ဧရာမြစ်ရေဟာ ဦးဘုရားခြေရင်းရောက်နေပြီဆိုရင်တော့ ဘုရားပွဲတော်ပိုပြီးစည်ကားပါတယ်...

မြို့ရဲ့ဓလေ့
မြို့သူ မြို့သားများသာမက မြို့နယ်အတွင်းမှာရှိတဲ့ ကျေးရွာသူ ကျေးရွာသားအားလုံးဟာ တစ်နှစ်မှာ တစ်ခါသာ ကျင်းပတဲ့ ဒီပွဲတော်အချိန်ကို ရင်ခုန်စွာ စောင့်မျှော်နေတတ်ကြတယ်.....
ကျွန်မတို့မြို့နယ်တစ်ခုလုံးရဲ့ အဓိက  စီးပွားရေးဟာ တောင်သူလယ်ယာစိုက်ပျိုးရေးလုပ်ငန်းဖြစ်ပြီး
စိုက်ပျိုးရေးလုပ်ငန်းသုံးပစ္စည်းတွေကို ဒီအချိန်မှဘဲ ၀ယ်ယူစုဆောင်းလေ့ရှိကြတယ်....
မိမိတို့အတွက် လိုအပ်တဲ့ အသုံးအဆောင်ပစ္စည်းမှန်သမျှကို ပွဲတော်အချိန်မှဘဲ ၀ယ်ကြတယ်...
တစ်နှစ်ပတ်လုံး စုဆောင်းထားသမျှ ချွေးနှဲစာများနှင့်   ပွဲတော်ရက်မှာ သုံးကြ၀ယ်ကြတယ်....
အခြားမြို့ရွာများမှာ အသက်မွေးဝမ်းကျောင်းပြုသွားရောက်နေထိုင်ကြတဲ့သူများကလည်း ဒီပွဲတော်ရာသီမှာဘဲ မြို့လေးရဲ့ ပွဲတော်ကိုပြန်လာပြီး နွဲပျော်လေ့ရှိကြတယ်.....
ပွဲတော်ကို အနယ်နယ်အရပ်ရပ်မှ ကားလမ်းမှ ကား ထရော်လာဂျီ သုံးဘီးများနှင့် လာရောက်နိုင်သကဲ့သို့ မြစ်ကြောင်းမှလည်း လှေ စက်လှေများနှင့် လာရောက်လေ့ရှိပါတယ်.....
အဖွားတို့ခေတ်ကတော့ လှည်းများနှင့်လည်း လာကြတယ်လို့ကြားဖူးပါတယ်.....

ပွဲဈေးတန်းများ
ဒေသခံဈေးသည်များဟာ ပွဲတော်ဈေးတန်းများသို့ လဆန်း(၇)ရက်လောက်ကစပြီး ပြောင်းရွေ့
ရောင်းချပါတယ်.....
အခြားဒေသမှ လာရောက် ဈေးရောင်းချမည့် နယ်လှည့် ဈေးသည်များဟာ  ကုန်းလမ်းမှ ကုန်တင်ကားကြီးများနှင့် မြို့လေးကို လာရောက်နိုင်သလို မြစ်ကြောင့်မှလည်း စုန်ဆန်ချီပြီး စက်လှေ  သစ်ဖောင် ၀ါးဖောင်များနှင့် တင်ဆောင်ပြီး လာရောက်ရောင်းချတတ်ကြပါတယ်.....
ဈေးတန်းများမှာ ပုံမှန်ဈေးမှ ပြောင်းရွေ့ဖွင့်လှစ်တဲ့ လူသုံးကုန် စားသောက်ကုန်  အစားအသောက် အသားငါးတန်း ငှက်ပျောတန်းအစရှိသော ဈေးဆိုင်တန်းများ.... ပွဲတော်ရက်များမှသာ ရောင်းချသောသင်ဖြူး နှီးကျောဖျာ ဆိုင်တန်းတွေ...
ဗန်း စကော စကာအမျိုးမျိုးနှင့် တောင်းအမျိုးမျိုး အစရှိသော တောင်သူလယ်ယာသုံးပစ္စည်းတွေ...
လက်ယက်ကန်းနှင့် ရက်လုပ်ထားတဲ့ ဖျင်ထည်တွေ... စက်ယက်ကန်းနှင့်ရက်လုပ်တဲ့ မြန်မာ့ချည်ထည်တွေ
ဝါး လှည်းဝင်ရိုး လှည်းဆံ ထန်းပိုးကြီး အစရှိသော နွားလှည်းမှာအသုံးပြုမယ့်ကိရိယာတွေ...
သစ်သားပရဘောဂ ပစ္စည်းတွေ...ငွေထည်ပစ္စည်း ကြေးထည် ပစ္စည်းတွေရောင်းချသော ဆိုင်တန်းတွေ..ဖျင်းအိုး ဒယ်အိုး အစရှိသော မြေထည် ပစ္စည်းတွေ ....ရာဝင်အိုး ဆယ်ဝင်အိုး အစရှိသော စဥ့်ရည်သုတ်ပစ္စည်းတွေရောင်းချသော ဆိုင်တန်းတွေ....အ၀တ်အစား အထည်အလိပ် ဆိုင်တန်းတွေ...အသုံးအဆောင် ပစ္စည်းရောင်းချတဲ့ ဆိုင်တန်းတွေ...
အစားအသောက် ဆိုင်တန်းတွေ...စသဖြင့် အမျိုးအစား စုံလင်လှပါတယ်.....

ပျော်ပွဲရွှင်ပွဲများ 
ဇာတ်ပွဲများအနေနှင့် လဆန်း(၁၁)ရက်ညမှ လပြည့်ညအထိ ဇာတ်တစ်ဖွဲ့၊ လပြည့်ကျော်(၁)ရက်ညမှ လပြည့်ကျော်(၅)ရက်ည အထိ ဇာတ်တစ်ဖွဲ့ ၊ စုစုပေါင်းနှစ်ဖွဲ့ ဖျော်ဖြေလေ့ရှိကြတယ်......
ကျွန်မတို့ ငယ်ငယ်ကဆိုရင် မန္တလေးသိန်းဇော်..ချမ်းသာ ဆန်းဝင်း..မိုးဝင်း မိုးမင်း..နန်းဝင်း နန်းခင်မွှေး.. ချစ်ဖွယ် အစရှိတဲ့ ဇာတ်ပွဲတွေ ကလေ့ရှိတယ် ...အခုနောက်ပိုင်းမှာတော့ ဖိုးချစ်..တင်မောင်ဆန်းမင်းဝင်း.. စွမ်းဇာနည်..ဟန်ဇာမိုးဝင်း စတာတွေပေါ့.....
မှတ်မိပါသေးတယ် ..ကလေးဘ၀ ဆိုရင် ပွဲအရမ်းကြည့်ချင်တာ...ကျွန်မအစ်မအပျိုတွေ ပွဲကြည့်သွားကြပြီဆိုရင် တအားလိုက်ချင်တာ...မလိုက်ရတဲ့အခါ  အမေက ကျွန်မကျေနပ်အောင် ပွဲဈေးတန်းလျှောက်ပတ်ပြပြီး မုန့်လိုက်ကျွေးလေ့ရှိတယ်...
တခါတလေလေးများ အစ်မတွေ ခေါ်လို့ ပွဲလိုက်ရရင် အရမ်းပျော်တာ... တကယ်တမ်းပွဲပြတဲ့အချိန်မှာတော့ အစ်မပေါင်ပေါ်မှာ အိပ်ပျော်နေပြီပေါ့.....
ဒါအပြင် ဆပ်ကပ် မျက်လှည့် ရုပ်သေး အစရှိတဲ့ ဖျော်ဖြေမှုများကလည်း ပွဲတော်ရက်တလျှောက်လုံး တင်ဆက်တယ်.....ကျွန်မငယ်ငယ်ကတော့ တုတ်ထိုးရုပ်လို့ခေါ်တဲ့ ရုပ်သေး ပွဲကို တအားကြိုက်တာ.....
ညပိုင်းမှာဆိုရင်တော့  ချား ရဟတ်တွေလည်း လူတိုးမပေါက်အောင်ပါဘဲ စည်ကားလှပါတယ်.....
ကျွန်မငယ်ငယ်ကတော့ ရဟတ်ကို တစ်ခါဘဲစီးဖူးတယ်...တစ်ခါစီးပြီးကြောက်တာနဲ့ ထပ်ပြီး မစီးရဲ့တော့ဘူး...ရဟတ်တက်သွားတာ မကြောက်ပေမယ့် အဆင်းမှာတော့ အရမ်းရင်တွေတုန်ပြီး ကြောက်တာ.....ချားကတော့ ကလေးဘ၀တုန်းက ခဏခဏ စီးဖူးတယ်.....
အလှဓာတ်ပုံဆိုင်များမှာလည်း ဓာတ်ပုံရိုက်သူများနှင့် ပြည့်နှက်နေတာပေါ့.....ကျွန်မတို့ ငယ်ငယ်ကဆိုရင် သူငယ်ချင်းများနှင့် စုပြီး ပုံစံအမျိုးမျိုးနှင့် အလှဓာတ်ပုံရိုက်လေ့ရှိကြတယ်.....မှတ်မိပါသေးတယ် ငယ်ငယ်က ရှမ်းရိုးရာဝတ်စုံဝတ်ပြီး အလှဓာတ်ပုံရိုက်ခဲ့တာတွေကိုရောပေါ့....

အခုဆိုရင် ပွဲတော်ကို မရောက်ဖြစ်တာ(၅)နှစ်ရှိပါပြီ.....ခေတ်မှီလာတာနှင့်အမျှ ကျွန်မတို့ ငယ်ငယ်ကပွဲတော်နှင့် အခုအချိန်ပွဲတော်မှာ ကွာခြားချက်များလည်း ရှိနေပေမည်.....
မည်သို့ပင်ရှိနေစေကာမူ ကျွန်မအပါအ၀င် ကျွန်မတို့ မြို့နယ်သူမြို့နယ်သားတွေကတော့
ရွှေပေါ်ကျွန်းဘုရားပွဲတော်ရက်များကို စောင့်မျှော်နေတတ်ကြတာကတော့ မပြောင်းလဲတဲ့ရင်ခုန်သံများဖြစ်ပါတော့တယ်.....
ချစ်ရတဲ့ မိတ်ဆွေ သူငယ်ချင်းများလည်း ကျွန်မတို့ မြောင်မြို့လေးရဲ့ တော်သလင်းလ
 ရွှေပေါ်ကျွန်းဘုရားပွဲတော်ကြီးကို  လာရောက်ခဲ့ကြပါလို့ ဖိတ်ခေါ်ချင်ပါတယ်..... 

(ဆန်းစနေ၀န်း)

ကျွန်မချစ်သော Panorama

ဒီနေရာလေးကို ကျွန်မအကြိမ်ကြိမ်ဖြတ်သန်းခဲ့ဖူးပါတယ်.....ကျွန်မတို့မြို့ငယ်လေးမှ မန္တလေးမြို့ကို သွားတဲ့ အခါတိုင်းပေါ့.....ကျွန်မကားပေါ်မှာ ဘယ်လောက်ဘဲ အိပ်ငိုက်ပါလာပါစေ..... ဒီနေရာလေးကိုရောက်တိုင်း အမြဲတမ်းနိုးထပြီး ပတ်ဝန်းကျင်ရှုခင်းလေးတွေကို ခံစားတတ်တယ်.....ငယ်ငယ်ကတည်းက ဒီမြင်ကွင်းလေးတွေကို စွဲလန်းခဲ့ရတယ်.....အခုအချိန်ထိအမြတ်တနိုးတန်ဖိုးထားရဆဲပါဘဲ.....

သန်းရှင်းလတ်ဆတ်စွာ ပြေးဆော့လာတဲ့လေက စိတ်အစဉ်ကို ပေါ့ပါးလန်းဆန်းစေသလို
ငြိမ်းချမ်းတဲ့ အသွင်ဆောင်တဲ့ ပတ်ဝန်းကျင်တစ်ခုလုံးက အမြင်အာရုံကို ဖမ်းစားထားနိုင်ပြီး ကျေနပ်မှုအပြည့်ဖြစ်စေပါတယ်.....ဒီနေရာလေးကတော့ ဧရာအနောက်ဘက်ခြမ်း စစ်ကိုင်းဒေသနှင့်  အရှေ့ဘက်ခြမ်းက မန္တလေးဧရိယာကို ဆက်သွယ်ပေးထားတဲ့ ခန့်ငြားထည်ဝါလှတဲ့ အင်းဝတံတားလို့ခေါ်ကြတဲ့ စစ်ကိုင်းတံတားကြီးပါဘဲ.....ကျွန်မတို့မြိုံလေးမှ မန္တလေးမြို့သို့သွားလျင် စစ်ကိုင်းမြို့တွင်းကို ဖြတ်ပြီး တံတားကြီးပေါ်ရောက်ပြီဆိုတာနဲ့ ဒီပတ်ဝန်းကျင်ရှုခင်းလေးတွေကို ခံစားရမှာပါ

From 'Google'(Credit to Photographer)

• စိမ်းညို့ညို့ သစ်ပင်တောတန်းတို့ဖြင့် အစဉ်ဖုံးလွှမ်းလှပပြီး သာသနာရောင်ဝါထွန်းကားလှတဲ့ စစ်ကိုင်းတောင်ရိုးတလျှောက်မှ ဆွမ်းဦးပုညရှင်ဘုရား ပတ္တမြားစေတီ ဥမင်သုံးဆယ် ဥမင်ကိုးဆယ်နှင့် များစွာသော ထုံးဖြူဖြူဖွေးဖွေးစေတီပုထိုးတွေ ဘုန်းကြီးကျောင်းတွေ 
• ပြီးတော့ ကြည်ညိုဖွယ်ကောင်းတဲ့ ကောင်းမှုတော်စေတီတော်ကြီးနှင့် အေးချမ်းစွာ လှပနေတဲ့ စစ်ကိုင်းမြို့လေး
• တံတားတစ်ဖက်ထိပ် ဘယ်ဘက်ခြမ်းမြစ်ကမ်းပါးယံအဆင့်ဆင့်မှာ စေတီတန်ဆောင်းအဆင့်ဆင့်နှင့် ပနံတင့်ကြည်နူးဖွယ်ကောင်းလှတဲ့ ရွှေကြက်ယက် နှင့် ရွှေကြက်ကျစေတီညီနောင်
• ညာဘက်တံတားထိပ်မှာတော့ မြန်မာ့သမိုင်းဝင် သပြေတန်းခံတပ်
• ပြီးတော့ မြစ်မင်းဧရာနှင့်  ဒုဌာဝတီလို့ ခေါ်တဲ့ မြစ်ငယ်မြစ်တို့ ပေါင်းဆုံရာမြစ်ဆုံ
• မြစ်ဆုံရဲ့ ဟိုဘက်မှာတော့ ရှေးဟောင်းအင်းဝမြို့ဟောင်းနှင့် မှုန်ပြပြမြင်နိုင်တဲ့ နန်းမြင့်မျှော်စင်နှင့် မယ်နုအုတ်ကျောင်း
• အဲဒီနောက် ခပ်လှမ်းလှမ်းမှာတော့ တစ်ချိန်က မင်းနေပြည်တော်ဖြစ်ခဲ့တဲ့ ရွှေမန္တလေးမြို့ နှင့် အမရပူရမြို့
• တဖန် မိခင်ဧရာဝတီရဲ့ အထက်ကို ဆန်ပြီးမှန်းဆကြည့်ရင်တော့ တရေးရေးမြင်နိုင်တဲ့ မင်ကွန်းမြို့ဟောင်းနှင့်အတူ သမိုင်းဝင်ခေါင်းလောင်းကြီး ပုထိုးတော်ကြီး နှင့် မြသိန်းတန်စေတီ
• ပြီးတော့ မြန်မာအင်ဂျင်နီယာတွေရဲ့ မှတ်တိုင်တစ်ခုဖြစ်တဲ့ ရတနာပုံတံတား(မန္တလေး)
• တံတားကြီးနှစ်စင်းရဲ့အောက်ဖက်မှာတော့  ငြိမ်းချမ်းစွာ စီးဆင်းနေတဲ့ မြစ်မင်း ဧရာဝတီ
• ဧရာရင်ခွင်အတွင်းမှာ အားမာန်အပြည့်နှင့် လှုပ်ရှားနေတဲ့ သစ်ဖောင် ၀ါးဖောင် လှေ စက်လှေ သင်္ဘောတွေ
• သဲသောင်ဖွေးဖွေးနှင့် သောင်ကမ်းစပ်မှာ ရေချိုးဆင်းသူများ
• မြစ်ပြင်ကို ဖြတ်ပြီးတိုက်ခတ်လာတဲ့ လေပြေအေးအေးလေးတွေ
• စေတီပုထိုးတို့ဆီမှ လှုပ်ခတ်လွှင့်ပျံ့လာတဲ့ ဆည်းလည်းခတ်သံလေးများ

ဝိုး....ဘယ်ပန်းချီဆရာမှ ရေးလို့မမှီနိုင်တဲ့ သဘာဝအလှပန်းချီကားလေးတစ်ချပ်ပါ....အရမ်းကို လှပ ကဗျာဆန်ပြီး ကြည်နူးစရာကောင်းတဲ့ ရှုမြော်ခင်းတွေပါဘဲ.....မြန်မာလူမျိုးဖြစ်ရခြင်းအတွက်လည်း  ကိုယ့်ကိုကိုယ်  ဂုဏ်ယူမိပါတယ်.....ခင်မင်ရတဲ့ မိတ်ဆွေတို့လည်း တစ်ခေါက်တစ်ခါ အရောက်လာပြီး ဒီမြင်ကွင်းလေးတွေကို ခံစားကြည့်စေချင်ပါတယ်.....

(ဆန်းစနေ၀န်း)

 

တွဲလက်များ

တို့နှစ်ယောက်
တစ်ယောက်ကိုတစ်ယောက်
သိပ်ချစ်ကြပါတယ်
ဒါပေမယ့်
တို့နှစ်ယောက်ဟာ
လမ်းမကြီးရဲ့ အဆုံးတစ်ဖက်ဆီကနေ
လျှောက်လှမ်းလာသူများဖြစ်ကြလို့
တစ်ယောက်နှင့်တစ်ယောက်
အမြင်တွေ မတူညီကြပါဘူး

တစ်ချိန်ချိန်မှာ တို့နှစ်ယောက် အနီးဆုံး
ဆုံဆည်းနိုင်ခွင့်ရှိပါတယ်
ဒါပေမယ့်

တစ်ချိန်ချိန်မှာတော့ တို့နှစ်ယောက် အဝေးဆုံးဆီကို
 ကျောခိုင်းသွားနိုင်တဲ့ အခြေအနေမျိုးလည်းရှိနိုင်ပါတယ်

တို့နှစ်ယောက်
ဆုံဆည်းတဲ့နေရာလေးမှာဘဲ
ခြေဆုံရပ်နေကြမလား
ဒါမှမဟုတ်
ကိုယ်လျှောက်နေတဲ့
လမ်းအတိုင်းဆက်လျှောက်ကျောခိုင်းသွားကြမလား

ဒါပေမယ့်
တို့နှစ်ယောက်က
သိပ်ချစ်ကြတယ်လေ
 အဲဒီတော့

တို့နှစ်ယောက်
မတူညီတဲ့အမြင်တွေကို 
နားလည်မှုဆိုတဲ့
အရာလေးနဲ့
လက်ခံဖြေရှင်းလိုက်တဲ့အခါ
မေတ္တာဆိုတဲ့
အေးချမ်းတဲ့

လမ်းသစ်လေးတစ်ခုကို
ရှာဖွေတွေ့ရှိပြီးနောက်မှာတော့
............

google မှ ကူးယူပါသည်

  (ဆန်းစနေ၀န်း)

အိပ်မက်လေးကို အိပ်မက်လေးအဖြစ်

အိပ်မက်လေးတစ်ခု ရှိခဲ့ဖူးတယ်

ကလေးဘ၀ကတည်းကပေါ့

အိပ်မက်လေးကို

ရင်ခုန်ခဲ့ဖူးတယ်

ရူးသွပ်ခဲ့ဖူးတယ်

အရမ်း သဘောကျခဲ့ဖူးတယ်

တစ်နေ့ကျရင်  အိပ်မက်လေးအောင်မြင်အောင် ကြိုးစားမယ်ဆိုပြီး စိတ်ကူးယဉ်ခဲ့ဖူးတယ်

အိပ်မက်မက်ရင်း ဘ၀လမ်းကို တရွေ့တရွေ့နဲ့ လျှောက်လှမ်းခဲ့တယ်

လျှောက်ရင်း လျှောက်ရင်းနဲ့ပင်

ကိုယ်လျှောက်နေတဲ့လမ်းက အိပ်မက်လေးနဲ့ ဝေးကွာသွားတယ်

ဒီလိုနဲ့ဘဲ ဘ၀ခရီးကို ဆက်လျှောက်နေခဲ့တယ်

ဘ၀ဆိုတဲ့ ၀ဲဂယက်ထဲမှာ အိပ်မက်လေးက ငုတ်ချည် ပေါ်ချည်ပေါ့

ဒါပေမယ့်

ဆန္ဒရှိရင် အောင်မြင်တယ် ဆိုတဲ့အတိုင်းပါဘဲ

ကိုယ်တစ်ချိန်က မက်ခဲ့တဲ့ အိပ်မက်လေး အကောင်အထည်ဖော်ဖို့ အခွင့်အရေးရှိလာခဲ့တယ်

တဒင်္ဂအတွင်း

အရမ်းပျော်ရွင်သွားတာပေါ့

ကိုယ်ကိုယ်တိုင်ကလည်း အဲဒီအိပ်မက်ပန်းပင်လေးကို အသီးအပွင့် ဝေေ၀ဆာဆာနဲ့ လှလှပပ ဖူးပွင့်အောင် စိုက်ပျိုးရတော့မယ်ဆိုပြီးပေါ့

သို့ပေမယ့်လည်း

ပစ္စုပ္ပန်ကို စဉ်းစားလိုက်တဲ့အခါ

မဖြစ်နိုင်တော့ပါဘူး

ကိုယ့်မှာ ငဲ့ညှာစရာတွေ ရှိနေပြီလေ

တဖက်က ကိုယ်အတ္တ နှင့် တဖက်က ကိုယ့်အသိုက်အမြုံ

စိတ်ကူးယဉ်ဘ၀နှင့် လက်တွေ့ဘ၀

ဆန္ဒ နှင့် မေတ္တာ

အားအပြိုင်ဆွဲကျတဲ့အခါ

အိပ်မက်ကလေး

လန့်နိုးသွားလေရဲ့

(အိပ်မက်လေးကို အိပ်မက်လေး အဖြစ်နဲ့တော့ ဆက်မက်နေအုံးမှာပါဘဲ)

(ဆန်စနေ၀န်း)

ရင်ထဲက ပုဂံ(၅)

ဒီရက်ပိုင်းမှာ ပုဂံ နှင့် ပတ်သက်တဲ့ အကြောင်းအရာတွေကို အရမ်းစိတ်ဝင်စားနေမိတယ်...
အင်တာနက် တီဗွီမှာ ကြည့်ရသည်ဖြစ်စေ...
မဂ္ဂဇင်း ဂျာနယ် စာအုပ် စာစောင်တွေမှာ  ဖတ်ရသည်ဖြစ်စေ...
ပုဂံရဲ့ ဗိသုကာလက်ရာတွေနှင့် ပတ်သက်ပြီးတော့ paperလေးတစ်ခု ရေးဖို့ ရည်ရွယ်မိတယ်.....

 

လတ်တလောဖတ်ဖြစ်နေတဲ့ ပုဂံဗိသုကာလက်ရာတွေအကြောင်းရေးသားထားတဲ့ စာအုပ်တွေပါ.....
Dr.လွင်အောင် ရဲ့
     ...ဗိသုကာအနုပညာအတွေးအမြင် နှင့် ဗိသုကာအဆောက်အဦးပညာစာစုများ 
     ...ဗိသုကာလက်ရာ

Dr.ကျော်လတ် ရဲ့
     ... Art and Architecture of Bagan and Historical Background with data of Important Monuments
 
မင်းဘူးဦးအောင်ကြိုင်ရဲ့
     ...ပုဂံခေတ်ဗိသုကာလက်ရာများ
     ...လက်ရာစုံစွာ အာနန္ဒာ
     ...မြတ်ဘုရားရွှေစည်းခုံ လက်ရာစုံ

ဦးသန်းဆွေရဲ့
     ...သမိုင်းဝင် ပုဂံစေတီပုထိုးများ
စတဲ့ စာအုပ်တွေ ဖြစ်ပါတယ်.....

နောက်ထပ် ဘာစာအုပ်တွေရှိအုံးမလဲ.......

(ဆန်းစနေ၀န်း)

မင်္ဂလာရှိသောနေ့

၂၀၁၂..ဇူလိုင်လ (၂၉)ရက် တနင်္ဂနွေနေ့လေးဟာ ကျွန်မတို့ မိသားစုအတွက် မင်္ဂလာရှိသောနေ့တစ်နေ့ ပါဘဲ
သမီးလေး (၁၁)လပြည့် နာမည်ပေး ကင်ပွန်းတပ် မွေးနေ့အတွက် ရည်ရွယ်ပြီး အိမ်မှာ ၀ါဆိုသင်္ကန်းကပ်အလှူလေးတစ်ခု လုပ်ဖြစ်ခဲ့တယ်...
သမီးလေးရဲ့ နာမည်က အိမြတ်ချယ်တဲ့
အိမ်နာမည်ကတော့ တုန်တုန်လေး (ခ) ဘေဘီစတုန်းပေါ့

 

မနက်(၄း၃၀)နာရီ အရုဏ်တက်ချိန်မှာ အေးမြရွှေပြည်ဘုန်းတော်ကြီးကျောင်းမှ ဘုန်းဘုန်း(၃)ပါးကို ပင့်ဖိတ်ပြီး ၀ါဆိုသင်္ကန်း လှူဒါန်းပြီး အရုဏ်ဆွမ်း ဆက်ကပ်လှူဒါန်းတယ်...

ဘုန်းဘုန်းများကို ၀ါဆိုသင်္ကန်း..ဆေး..ဆန်..ပျားရည်..မုန့် စသည်တို့ကိုလှူဒါန်းတယ်...

 

ဘုန်းဘုန်းတို့မှ တရားတော်များ ချီးမြင့်ပြီး သင်္ကန်းနှင့်တကွ လှူဖွယ်ဝတ္ထုအစုစုကို ရေစက်ချလှူဒါန်းတယ်..

 

အရုဏ်ဆွမ်းအတွက်ကတော့ကြက်သားပလာတာ..လက်ဘက်ရည်၊ကော်ဖီ..ကိတ်.အကြော်စုံ.လက်ဘက်သုတ်..
ညတရာမုန့်..သရက်သီး..စသည်တို့ကို ဆက်ကပ်တယ်...
သမီးလေးမွေးနေ့အတွက် ကုသိုလ်ကောင်းမှုလေးတစ်ခု ပြုလုပ်ပေးနိုင်လို့ အရမ်းကို ပီတိ ဖြစ်ရပါတယ်...

သမီးလေးကလည်း သူ့မွေးနေ့မို့လားမသိ.. မနက်အစောကြီးကတည်းက နိုးပြီး အသံလေးစာစာနဲ့အော်နေတော့တာဘဲ...

 

ဧည့်သည်တွေအတွက်လည်း ကြက်သားပလာတာ..ကော်ဖီ..ကိတ်..လက်ဘက်သုတ် နှင့် ဧည့်ခံဖို့ရန်အတွက် ပြင်ဆင်ထားတယ်...
ကြက်သားပလာတာ ဟင်းရည်အိုးတည်ရန် မီးမွှေးပြင်ဆင်နေတဲ့ သမီးလေး ဖေဖေပါ...

အန်တီမြင့်မြင့်ဝင်းကလည်း ပလာတာတွေ ပြင်ဆင်နေရင်းပေါ့...

 

ဧည့်သည်တွေရောက်တဲ့အချိန်မှာ သမီးလေးက မနက်အစောကြီးအိပ်ရာထရတဲ့အတွက် အိပ်ချင်နေပြီ...

 သမီးလေးရဲ့ သူငယ်ချင်းတွေဖြစ်ကြတဲ့ နိုးနိုးနှင့် ရှမ်းကလေး ကလည်း မွေးနေ့ပွဲကို အားပေးရင်းနဲ့ပေါ့...

 ကိုကိုကောင်းကောင်း.. ကိုကိုပူတူး..နှင့် မမယွန်းယွန်း တို့လည်း လာကြတယ်

မောင်လေး စစ်မင်းညိုရောပေါ့

 အန်တီမြင့်မြင့်ဝင်း..မမဘုတ်ဘုတ် နှင့် မမ၀င်းဆန်း တို့ကလည်းအပြိုင် လန်းနေကြတာပေါ့

မွေးနေ့ပွဲမှာ camera manလုပ်ပေးတဲ့ ကိုကို ဝေလင်းထွန်းကို ဓာတ်ပုံတွေထဲမှာ မပါပေမယ့် မီးလေးတုန်က ကျေးဇူးအထူးတင်ပါတယ်...

မေမေနှင့် မီးလေးတုန်လေး စကားတွေပြောနေကြတာ..

 မေမေ..အမေကြီး နှင့် မီးလေးတုန်

 ဖေဖေ..မေမေ..နှင့် မီးလေးတုန်

 ကစားစရာများကို စိတ်ဝင်စားနေသော  မီးလေးတုန်တုန် (ခ) ဘေဘီ စတုန်းလေး

 ဖေဖေ မေမေ တို့ရဲ့ မီးလေးတုန်လေးရေ...
မင်္ဂလာရှိသောမွေးနေ့မှစပြီး နောင်နှစ်ပေါင်းများစွာတိုင်အောင် ချစ်ရတဲ့ ဖေဖေ.. မေမေ.. ဖိုးဖိုး..ဖွားဖွား.. တို့နှင့်အတူ ဘ၀ခရီးလမ်းကို  ပျော်ရွင်အောင်မြင်စွာ လျှောက်လှမ်းနိုင်ပါစေလို့ ဆန္ဒပြုရင်း....
ချစ်မ၀တဲ့ ဖေဖေ...မေမေ

(ဆန်းစနေ၀န်း)