Thursday, July 21, 2016

စုန်ဆင်းနေတဲ့ မြစ်တစ်စင်း

စီးဆင်းခဲ့... စီးဆင်းမြဲ... စီးဆင်းအုံးမှာပါ....
 
ကလေးနှစ်ယောက်အမေ ရုံးတက်အလုပ်လုပ်ရသူတစ်ယောက်အဖို့ မနက်ခင်းတိုင်းရဲ့ စက္ကန့်တိုင်းဟာ တန်ဖိုးရှိလှပါတယ်။ မနက် ကိုယ်အိပ်ရာထရင် သူတို့လေးတွေလည်း နိုးပြီး လိုပ်ထတတ်တာမို့ အလုပ်က သိပ်မတွင်ကျယ်လှပါဘူး။သူတို့ မျက်နှာသစ် သန့်ရှင်းရေးလုပ် ပြီးရင် ကဗျာသီချင်းဖွင့်ပြထားပြီး မနက်စာအတွက် စီစဉ်ရတယ်။(နေ့ခင်းစာအတွက်ကတော့ ချက်ရန်ပြင်ဆင်ထားတာတွေကို ကိုယ်က အပေါ်ယံ ချက်လိုက်ရုံပါဘဲ။ အမြန်ကျက် တဲ့ ဟင်းမျိုးဘဲ ချက်ရတယ်။)
ကိုယ်ရုံးမသွားခင် သူတို့လေးတွေ ဗိုက်ဝဖို့အရေးကြီးတယ်။ 
အကြီးမလေးလည်း  မူကြိုမသွားခင် မနက်စာ ၀၀လေးကျွေးလိုက်ချင်တယ်။ သူက အစားကိုနည်းတာ။ ကိုယ်ထည့်ပေးတာလေး ကုန်အောင်စားရင်ဖြင့် ကိုယ့်မှာပီတိဖြာ ကျေနပ်လို့။
 နေ့လည်စာတော့ ကျောင်းကျွေးတယ်။ အရင်လတွေက ကျောင်းမှာ နေ့လည်စာစားရင် မကုန်တော့ သူမှာ stress တွေဖြစ်လို့။ အခုရက်ပိုင်းတော့ဖြင့် ထမင်းလည်းကုန်အောင်စားနိုင်တယ်တဲ့။ သူလည်းကျောင်းပျော် ကိုယ်လည်းကျေနပ်ပေါ့။
အငယ်လေးဆိုရင်လည်း ကိုယ်ရုံးတက်ချိန်မှာ အိမ်မှာတနေကုန်ထားခဲ့ရတာ။ အဲဒီတော့ ကိုယ်မသွားခင် မနက်စာ ၀၀လေးကျွေးချင်တာ။ ကိုယ်ကျွေးတဲ့ အစားစားတဲ့ ရက်ဆိုရင် ကျေနပ်ပြီး မစားဘူးဆိုရင်တော့ ကလေးများ ဗိုက်ဆာနေမလား၊ ပိန်သွားတော့မလား စသဖြင့် တွေး စိတ်ပူနေရတာ။
 ဒီမနက်လည်း ခါတိုင်းလိုဘဲ။ ၀ုန်းဒိုင်းကျဲတဲ့ မနက်ခင်းပေါ့. ကလေးနှစ်ယောက်က လွယ်လွယ်ကူကူ မနက်စာ ကျွေးလို့ရပြီး ကိုယ့်အတွက် တော့ ရုံးရောက်မှ စားပါတော့မယ်လေ ဆိုပြီး ရုံးကားမလာခင် (၁၀)မိနစ်အလိုမှာ သားလေးကို နို့တိုက်နေတာ။ 
အိမ်ကို ခဏ အလည်ရောက်နေတဲ့ အမေက သမီးမသွားသေးဘူးဆိုရင် အမေထမင်းလေး ပြင်ပေးမယ် စားလိုက်အုံးဆိုပြီး ကိုယ်သိပ်ကြိုက်တဲ့ ပဲပြုတ်ဆီဆမ်းလေးနဲ့ ငပိကြော်လးကို ဇွန်းတပ်ပြင်ဆင်ပေးတယ်။ အော် အဲဒီအခါမှ အမေလည်း ထမင်းစားလေ ဆိုပြီး
ဧည့်သည်အမေကို ကိုယ်ကထမင်းကျွေးဖို့ သတိပြန်ရတယ်။ သမီးစားစား အမေပြီးမှ စားမယ် ဆိုပြီး ကိုယ်ထမင်းစားတာကို စောင့်ကြည့်နေတဲ့ ကိုယ်အမေကို ကြည့်ပြီး ၀မ်းနည်းလာတယ်။ မိဘတိုင်းဟာ ဒီလိုပါဘဲ။ ဘာမဟုတ်တဲ့ အရာလေးအတွက်တောင် သူတို့အတွက်မကြည့် ။ သားသမီးအတွက်ဘဲ ဦးစားပေးစဉ်းစားတယ်။ 
အမေရယ်
အမေကတော့ သမီးတို့အတွက် အရင်ကလည်း စီးဆင်းခဲ့တယ်... အခုလည်း စီးဆင်းဆဲပါ...နောင်လည်း ဆက်လက်စီးဆင်းနေအုံးမှာပါ။
ထာဝရစုန်ဆင်းနေတဲ့ မြစ်တစ်စင်းပေါ့......
ကိုယ်လည်း သားသမီးတွေအတွက် ..... ကြိုးစားရင်း
(ဆန်းစနေန်း)



No comments:

Post a Comment