 |
| ၂၀၁၂ ဇန်န၀ါရီ...ဓာတ်ပေါင်းစုစေတီ အမှတ်တရ |
အသက်တွေ ဘယ်လောက်ပင်ကြီးကြီး အမေဟာ ကျွန်မတို့အတွက်တော. နုပျိုဆဲပါဘဲ.....
ကျွန်မတို့တွေကလည်း အမေ့အပေါ် အခုအချိန်ထိ နွဲ့ဆိုးဆိုးနေတုန်းပါဘဲ.....
အမေအိမ်ကို အလည်ပြန်သွားရင်လည်း အမေက ချက်ပြုတ်ကျွေးမွေးသလို ကျွန်မတို့အိမ် အမေလာလည်ရင်လည်း အမေကဘဲ ချက်ပြုတ်ကျွေးမွေးတာပင်.....
ဒါတင်ဘယ်ကမလဲ အမေဟာ ကျွန်မတို့ ရဲ့ သမီးလေးကိုလည်း ထိန်းပေးရသေးတယ်.....
သားသမီးတွေကို ပြုစုစောင့်ရှောက်ရသလို မြေးလေးတွေအထိပါ ပြုစုပေးနေတုန်းပင်.....
နေ့ခင်းဘက် ကျွန်မတို့ အလုပ်သွားတဲ့ အခါမှာ အမေဟာ သူ.မြေးမလေးကို တစ်နေကုန် စောင့်ရှောက်တယ်.....
ညဘက် အိပ်တဲ့အခါ ကလေးနိုးတဲ့အခါ ကျွန်မကမနိုးဘဲ အမေကပင် ချော့မြူကာ သမီးလေး အိပ်အောင် ပြန်သိပ်ခဲ့တာပင်.....
သမီးလေးကို အမေချော့သိပ်တဲ့ မဗေဒါ သီချင်းသံလေးကြားရင် ကျွန်မကိုယ်တိုင် ကလေးလေးဘ၀ပြန်ရောက်သွားသလို ခံစားရတယ်.....
အမေ့ရဲ့ တုန်ရီနေတဲ့ ကလေးချော့တေးသံကို နားထောင်ရင်း မျက်ရည်ဝဲမိသေးတယ်
ကိုယ်ကိုယ်တိုင် ကလေးလေးတစ်ယောက်လို ပြန်ခံစားရတယ်.....
အမေဟာ...လူအပင်ပန်းခံရုံတွင် မကပါဘူး....အခုအချိန်အထိ ကျွန်မတို့ရဲ့ စီးပွားရေးလိုအပ်ချက်တွေကို ပံ့ပိုးပေးနေတုန်းပင်.....
ကျွန်မတို့ လူလားမြောက်အောင်ပံ့ပိုးပေးယုံတင်မကပါဘူး.....ကျွန်မတို့ ကိုယ့်အလုပ်အကိုင်နှင့် အခြေတကျဖြစ်ပြီး အိမ်ထောင်ရက်သားကျနေသည့်တိုင်အောင် အမေ့ရဲ့ ထောက်ပံ့မှူတွေက မကုန်နိုင်ပင်.....
အမေ.ရဲ့ကျေးဇူးအနန္တကို ပြန်ဆပ်နိုင်အောင် ကြိုးစားနေလျက်နှင့် အခုအချိန်ထိတိုင်အောင် မဆပ်နိုင်သေးပေ.....
အမေအသက်ကြီးတာသိနေလျက်နှင့်ပင် အမေ့အပေါ် ဆိုးနွဲ့နေချင်သေးတယ်.....
အမေ.ကျေးဇူးတပွေ့တပိုက်ကို ရင်ဝယ်ပိုက်ခံစားရင်း.....
(မေလ ဒုတိယပတ် တနင်္ဂနွေနေ့..ကမ္ဘာ့မိခင်များနေ့ ဂုဏ်ပြုလျက်)
(ဆန်းစနေ၀န်း)
No comments:
Post a Comment